Kinumpirma ita nga rabii ti lokal a gobyerno ti Bacnotan, La Union a nagnegatibo iti resulta ti swab test ti Covid-19 patient iti nasao nga ili kasta met dagiti nakapulapol daytoy.
Tapno maipanamnama nga awanen ti virus iti bagi ti pasyente, maminsan pay a maipasidong daytoy iti maudi nga RT-PCR TEST.
Agtaltalinaed nga adda iti nasayaat a kasasaad ti pasyente ken madama nga agpapaimbag idiay Balaoan District Hospital.
Maipalagip, idi June 22 ket nagturong ti 43 anyos a seaman idiay Manila tapno agpaisidong iti pre deployment medical examination ngem kas protocol, naalaan daytoy ti blood test ken ti nagbalin a resulta positibo iti COVID 19.
