Agkandidato manen a para alkalde ni Retired Police Brigadier General Pedro Obaldo Jr. idiay ili ti Balaoan, La Union.
Katandem ti retirado a heneral ti ub-ubing a kabsatna a ni Jojo Obaldo a para bise-alkalde iti ili.
Daytoy iti maikaddua a gundaway a makabalubal ni Ret. Gen. Obaldo ni incumbent Mayor Aleli Concepcion para iti mayoralty race kalpasan a mapaay daytoy a mangabak idi napalabas nga eleksyon.
Makalaban ni Jojo Obaldo para ti kina-bise alkalde ni incumbent Vice-mayor Carlo Concepcion nga adingen ti agdama nga alkalde ti Balaoan.
Sumabak met para municipal councilor ti putot ni Ret. Gen. Obaldo a ni Peter Ronald Obaldo.
Kabayatanna, no idi napalabas nga eleksyon ti tawen 2016 ket unopposed dagiti kandidato a para konsehal ti nasao nga ili, itatta ket adu ti agbabalubal iti nadakamat a posisyon kalpasan a nakabukel iti kompleto a line-up ti bunggoy dagiti Obaldo tapno isango iti grupo dagiti Concepcion.
