LA UNION – Arestado iti Top 10 Most Wanted Person Provincial Level, maysa daytoy a 60-anyos ken retirado nga empleyado ditoy syudad ti San Fernando.
Iti eksklusibo a pannakiuman ti Bombo Radyo La Union kenni PLt. EmmaRose Estrada, agdama a Police Community Relation Officer ti San Fernando City Police Station, binigbig na iti nakemmeg a suspek iti nagan a Samuel Gacayan, residente ti Purok 6, Barangay Sevilla.
Natiliw daytoy babaen iti bileg ti dua a warrant of arrest, adda pakainaigan na iti kaso daytoy a panaglabsing iti RA 8353 wenno panagrames ken 3 counts a panaglabsing iti RA 7610 (VAWC).
Segun kenni Lt. Estrada, mismo a ti live-in partner ti suspek iti nangireklamo kenni Gacayan, gaputi maipagarop a panangrames ken panang-ranggas na iti dua nga step daughter daytoy idi December 2020.
Kinuna pay ni Estrada nga adda nairekomenda a piyansa ti suspek a P200-k para iti kaso na a VAWC ngem agtalinaed iti pagbaludan gaputa non-bailable iti kaso daytoy a 2 counts of rape.
