LA UNION – Arestado ti maysa a 52-anyos a retirado a suldado a maipagarop nga aglaklako iti marijuana idiay Barangay Ubbog, ili ti Bangar, La Union.
Nabigbig ti suspek a ni Anacleto Morta, sigud a kameng iti Phil. Military, ken residente iti Barangay San Cristobal ti nasao nga ili.
Naammuan ti Bombo Radyo iti Bangar Municipal Police, tallo a sachet a naglaon iti maatap a marijuana ken P300 a buy-bust money ti naala manipud iti ikot ti retirado a suldado.
Kaso a panaglabsing iti Comprehensive on Dangerous Drugs Act ti sangsanguen a reklamo ti nasao a suspek. (Abs Flores)
