LA UNION – Boluntaryo a simmuko iti Caba Police Station iti maysa a retired Philippine Army a naglibas kalpasan a pinaltugan na iti ulo ti misis na idiay Laur, Nueva Ecija agarop alas 1:00 ti malem idi Miyerkules, Nobyembre 22, 2017.
Iti suspek ket nabigbig iti nagan a Jessie Mendegoria, 47, tubo ti ili a Caba, La Union ngem agnanaed itan idiay Laur, Nueva Ecija.
Iti met misis na ket managan Maricel Mendegoria, 44, maysa nga OFW, residente ti nasao met laeng a lugar.
Maibasar iti palawag ti suspek kadagiti otoridad, nagimon daytoy ket naaddaan da ti nabara nga argumento, nga isu metten ti rason iti nangpaltugan na iti ulo ti biktima.
Kagiddan ti panagsuko ti suspek iti panangi-surrender na iti inusar daytoy a paltog a maysa nga Armscor 1911 ken maysa a magazine nga addaan ti lima a bala para iti nasao nga igam.
Mainaig ti daytoy, kinuna ni PO2 Charlie Tahon, imbestigador iti kaso, nai-turnover dan ti kaso idiay Laur PNP para iti umno a disposisyon.
