Pinagkedkedan dagiti abogado da sigud a Senador Ramon Revilla Jr. ken innem pay a kapadana nga akusado a sigud nga opisyal ti DPWH Bulacan 1st District Engineering Office iti plea bargaining ti kaso a graft.
Iti plea bargaining ket maysa a proseso kadagiti kaso a kriminal no sadino dagiti aklunen dagiti akusado iti panaglabsing kasukat ti nalaglag-an a pannusa wenno pangibasura ti dadduma a kaso nga agkasapulan iti pammalubos ti biktima, akusado, prosecutor, ken aprubado ti Judge a dumdumngeg ti kaso.
Dinamag ti korte iti biang dagiti akusado nu ikonsidera da ti plea bargaining ngem negatibo iti nagbalin a sungbat ti depensa.
Segun iti abogado ni Revilla a ni Atty. Francesca Señga, awan ti plano da ita a mangipila ti kanayunan a mosyon iti korte.
Maipalagip a pinagkedkedan ti Sandiganbayan dagiti amin nga immuna a mosyon nga inpila ti kampo ni Revilla.
Kenuna ti abogado a nakasagana da a sumurot iti rulings ken pammilin ti korte isu a namnamaen da met a patas nga ituloy ti hukuman iti hearing ti kaso.
