Naitipunen iti general population ti New Quezon City Jail Male Dormitory a ni siguda Senador Ramon “Bong” Revilla Jr. , makalawas kalpasan a maiserrek iti pagbaludan.
Segun ti Bureau of Jail Management and Penology (BJMP), makadua ni Revilla iti maysa a selda dagiti innem a dadduma pay a Persons Deprived of Liberty (PDLs) nga awan ti pakainaiganna iti kaso ti anomalia dagiti flood control project idiay Bulacan.
Ni Revilla ken ti uppat a kaduana a naakusaran ket nalpasen ti mandatory seven-day medical quarantine para kadagiti baro a PDLs ,isu a nayakarda iti ordinario a selda idi kalman.
Sangsanguen da iti kaso a malversation of public funds ken falsification of public documents mainaig iti maipagarup a ₱92.8-million ghost flood control project idiay Pandi, Bulacan.
Kenuna ti BJMP a dagiti kadua nga inmate ni Revilla ket pasig a low-risk PDL, maibasar iti security, medical, ken legal assessment. Agtalinaeed met iti nainget a seguridad gapu ti high-profile a saad ti kasona, ken saan a maibilang kas VIP treatment.
Sakbay ti pannakayakar, sinarungkaran ni Revilla iti pamiliana, karaman ti asawana a ni Rep. Lani Mercado a nangibaga a kararag iti suporta ken nasayaat iti kasasaad ti sigud a Senador.
Agtultuloy a maibalud ni Revilla idiay Quezon City ken dagiti co-accused bayat a dingdinggen pay ti Sandiganbayan iti kasoda.###
