Agtultuloy a sumursurot dagiti rice retailers ditoy siudad ti San Fernando Market iti price cap ceiling a naipatungpal pay idi September 5,2023, ket P45 ti balor ti well-milled rice ken P41 ti regular well-milled rice.
Ngem sumagmamano laeng kadagitoy ti adda lako na a regular well-milled rice ken segun iti dua a nakasarita tayo, saan a pimmasa iti DA ti ilaklako da a P41 regular well-milled rice, gapu ta sabali ti kulayna, isu nga uray nasakit para kadakuada gapu ta dakkel ti appogda ket ilako da latta daytoy kas dog rice, aggatad ti P38 kada kilo.
Innayonda nga awan pay ti agisupply kadakuada ti nalaklaka a bagas ngem ayatda laeng a matungpal ti pammilin ti Presidente isu a sumurot dan uray dakkel ti lugi da.
Kabayatanna, isubmiter ti DTI, ti naalada a datos manipud kadagiti rice monitoring nga usaren a basaran ti DSWD iti panagited ti tulong kadagiti rice retailers.
