Nasurok 15,000 nga indibidual iti nangisayangkat ti tignay-protesta tapno ipanawagan kenni Israeli Prime Minister Benjamin Netanyahu iti panakawayawaya dagiti kautibo.
Buklen dagiti nakipaset dagiti annak ken tagasuporta dagiti kautibo nga iggem ti Hamas ken pinalikmutan da iti sibubukel a Paris Square idiay Jerusalem bayat a dagiti dadduma ket adda idiay Tel Aviv.
Iti pakabuklan a 48 ket mapatta-patta a 20 pay dagiti agtaltalinaed a nabiag.
Maipalagip a dumanon ti 251 a kautibo iti dinukot dagiti Hamas iti inaramid da a panagraut idiay Israel idi Oktubre 7, 2023 ken nakatayan dagiti agarop 1,200 nga indibidual.###
