LA UNION – Agpanpanawagan ti Overseas Workers Welfare Administration (OWWA) Regional Office-1 kadagiti Overseases Filipino Workers (OFW) a nagparehistro iti E-card nga alaenen dagitoy idiay opisinada.
Sigun kenni Overseas Workers Welfare Officer Racquel Caoile, aganay 5,000 unclaimed OFW E-card iti nasken a maited wenno alaen dagiti nagparehistro.
Kinuna pay ti opisyal a kalpasan a nagparehistro dagiti OFW ket saanda metten a sinubli dagiti card idiay OWWA.
Mabalin nga ipaala dagiti nasao a card babaen iti kameng ti pamilya a mangiparang iti authorization letter ken valid Id’s.
Impaganetget ni Caoile a dagiti cards ket dakkel a tulong kadagiti OFW para iti napartak a transaksyon kadagiti government agencies ken panangawat kadagiti benepisyo.
