LA UNION – Idaulwan ti Provincial Environment and Natural Resources Office (PENRO) iti maiganwat a river clean-up idiay Sudipen, La Union inton Biyernes, Abril 21, 2017.
Daytoy ket paset iti selebrasyon ti World Earth Day inton Abril 22, agdama a tawen.
Iti nasao a ganwat ket manamnama a pasetan dagiti barangay officials manipud iti lima a barangay a mangsak-sakop iti Amburayan river.
Kabilang ditoy iti Barangay Poblacion, Ipet, Ilocano, Old Central, ken Namaltugan.
Kabayatanna, mangisayangkat met iti dadduma pay nga aktibidad, panagdalus ken information dessimination maipapan iti panangsalwad ti aglawlaw, dagiti dadduma nga ili ken distrito iti intero a probinsiya.
Iti tema ita a tawen para iti World Earth Day ket Environmental and Climate Literacy.
