Pinasingkedan ni Philippine National Police (PNP) Spokesperson Police Brigadier General Jean Fajardo a madama dan a pirpirmisen ti boxing ring idiay Rizal Memorial Coliseum a nakatuding a mausar para iti charity boxing match ti nagbaetan da PNP Chief Police General Nicolas Torre III ken Acting Davao City Mayor Sebastian ‘Baste’ Duterte inton Dominggo, Hulyo 27, 2025.
Sakbayna ket nangilatag iti kondisyon ni ‘Baste’ Duterte a sakbay na palagan ti karit ni Torre nasken a pakiusapan na pay ni Presidente Ferdinand Marcos Jr. ken dagiti amin nga elected officials a maipasidong iti hair follicle drug test.
insert—>>>(BASTE)
Iti sabali met a bangir ket napalaosen iti training ni Torre kas paset iti panagsagana iti boxing match.
Umuna paylaeng nga aldaw ket naipasidongen iti boxing training idiay PNP Sports Center ti Hepe babaen ti tulong ti maysa a trainer a ka-sparring na mainayon pay ti 10 rounds jogging na idiay PNP Oval laksid iti dakes a paniempo.
Kabayatanna, pinasingkedan iti National Bureau of Investigation a nag-flight ni Mayor Baste iti bigat ti Biernes, Hulyo 25, 2025 kadwa iti pamilya ken staff na nga agturong idiay Singapore. Saan paylaeng a madakamat iti pudno a rason ti biahe.
Iti biang met ni Torre, uray saan a dumar-ay ni Mayor Baste iti scheduled fight da inton Dominggo ket agparang latta isuna tapno mangiwaras ti relief goods kadagiti residente nga apekatdo dagiti bagyo ken habagat dagitoy napalabas a lawas.
