Pinasingkedan ti Philippine Space Agency (PhilSA) a nagsuwek ti debris wenno dagiti parte ti Long March 12 rocket ti China iti kabaybayan a sakop ti Pilipina, partikular idiay Palawan idi rabii, Agosto 4.
Nagsuwek ti debris iti uneg ti 21 nautical miles manipud Puerto Princesa ken 18 nautical miles manipud sadiay Tubbataha Reefs Natural Park, lugar a sakop ti exclusive economic zone ti pagilian.
Mainaig iti daitoy ket nagpakdaar manen ti ahensiya kontra ti peggad dagiti agtinnag a debris.
Apaman a makakita ket maballaagan iti publiko a saan nga iggaman wenno kolektaen ti aniaman a debris agsipud ta naglaon dagitoy kadagiti makasabidong a kemikal ti rocket fuel.
