Balligi a nadepensaan ni Filipino boxer Rolando Dy iti Bare Knuckle Boxing super welterweight title na kalpasan a mangabak babaen ti technical knockout kontra kenni British fighter Scott McHugh iti maikatlo a round iti Utilita Arena idiay Newcastle, England, idi Dominggo, oras ditoy Pilipinas.
Sumagmamano a daras a napatumba ni Dy ni McHugh iti second round, sakbay a naan-anay nga impasardeng ti referee iti laban ti maikatlo a round iti marka a 2 minutes and 12 seconds, gapu iti agsasaruno a danog ti Pinoy boxer ken panagsuko ti kampo ti kalaban na.
Gapu iti pannangabak, nailista ni Dy iti maikalima a baillig ken nagpasayaat ti rekord na iti pito a wins ken maysa loss, karaman iti innem a knockout.
Kabayatanna, bimmagsak iti 16 wins ken innem a loss iti kartada ni McHugh.
