Nagpatudo manen kadagiti missiles ken drones ti Russia kontra Ukraine.
Kinuna ni Ukraine President Volodymyr Zelenskyy a mangipakpakita laeng a dagiti araramiden ti Russia ket saan da nga interesado iti nakapia a saritaan.
Maipalagip a intuding idi napalabas a lawas ti Estados Unidos ti kabaroan a dayalogo ti nagbaetan ti Russia ken Ukraine. Nangipeksa ni Zelensky nga isuna ket dumar-ay bayat a nagdududa met ti Russia.
Mainaig kadaitoy ket mangipatulod ti Ukraine kadagiti representante iti saritaan a posible a maangay sadiay Miami wenno Abu Dhabi, United Arab Emirates.
Sakbay dagitoy ket namin-adu a darasen a nangilungalong ti Estados Unidos kadagiti saritaan ti kinakapia kasaruno ti aganay uppat a tawen manipud idi rinaut ti Russia ti Ukraine.
