BR LA UNION – Nangisayangkat manen ti sinnukat ti kawtibo wenno prosoners swap iti Ukraine ken Russia.
Segun kenni Presidente Volodymyr Zelenskyy, karaman kadagiti nawayawayaan ti 25 a suldado a nakadestino iti Azovstal steel plant idiay iti siyudad ti Mariupol.
Kinawtibo ida ti Russia sipud pay idi Mayo 2022.
Innayonna a dadduma kadakuada ket sibilyan nga immuna nga imbaga ti Russia a suldado amin.
Impaganetget ni Presidente Zelenskyy a mangar-aramidda kadagiti addang tapno mapaawid amin a tattao a dinukot ti Russia.
Agtultuloy ti medical check-up dagiti nasugatan a kautibo a winayawayaan iti Russia.
