LA UNION – Adda iti natalged a kasasaad iti maysa a bakasyunista a Russian national kalpasan a naaksidente iti minaneho daytoy a motorsiklo iti kawatiwatan ti national highway idiay Barangay Tubod, Sto. Tomas, La Union.
Nabigbig iti biktima a ni Misha Rozhnyev, 24, single, residente ti Madre Ignacia Metro Manila.
Iti pannakiuman ti Bombo Radyo kenni P/Lt. Clinton Amawan, OIC ti Sto. Tomas PNP, kinuna na a paawiden ti biktima idiay Manila manipud iti panagbakasyon na idiay ili ti San Juan, idi maaksidente daytoy iti nasao a lugar.
Segun kenni Amawan, ginandat ti gangannaet nga oberteykan iti maysa a traysikel, nga isu metten ti nakapukawan na ti kontrol iti manibela ket natumba daytoy.
Minor injury laeng iti sinagrap ti Russian national isunga dagus met laeng a nakaawid idi maipaayan ti pannakataming manipud rural health unit (RHU) ti nasao nga ili.
