BR LA UNION – Inarestar dagiti kameng ti Sto Tomas PNP iti maysa a mangngalap gaputi panaglabsing iti Municipal Ordinance Number 2 Series of 2003, Chapter 15 – Section 72 wenno Fishing Operator Employing Unlicensed Fisher folk or Fish worker idiay Sto Tomas, La Union.
Naduktalan a saan a lisensiyado ken saan a nakarehistro a mangngalap ti managan Romeo Bamba, agtawen ti 55 manipud Barangay Namonitan, Sto. Tomas, La Union
Natiliw ti nasao a mangngalap iti kabaybayan a sakop ti Barangay Cupang, Sto. Tomas kas resulta iti insayangkat a panag-patrolya iti nagtipon a puwersa ti PNP ken Maritime Law Enforcement Team (MLET).
Kinumpiskar da pay iti fishing banca nga addaan ti marka a LARA MAE, mapatta-patta nga agbalor ti P55-k, arwaten ti pagkalap partikular ti fishing net ken assorted fish nga agdagsen ti tallo a kilo ken agbalor ti P300.
Naiyindurso ti mangngalap iti police station ken napatawan ti penalty gaputi panaglabsing iti Municipal Ordinance Number 2 Series of 2003.
Nupay kasta, napalubosan met laeng kalpasan a nagbayad ti naipataw kenkuana a multa.
