LA UNION – Inaklon ni Barangay Kapitan Romeo Omo ti Barangay Bet-ang, Balaoan, La Union nga adda iti nakurang 400 a baboy ti naikali iti maysa a disso idiay Barangay Bet-ang, partikular iti nagbeddengan ti Bet-ang, Balaoan ken Cantoria No. 3, Luna, La Union.
Segun kenni Omo, iti pannakaikali dagiti nasao a baboy gapwanan ti African Swine Fever wenno ASF, ket napagnunumwan ken inaprubaran dagiti maseknan a kameng iti lokal a gobyerno.
Nupay kasta, arungaing ita iti sumagmamano nga asideg a residente ti Barangay Cantoria No. 3 idiay ili ti Luna, iti saan a nasayaat nga ayamu-um gapwanan dagiti naikali a natay a baboy.
Maamak ngamin dagiti maseknan a residente a maapektaran ti salun-at da iti naangot nga aglawlaw.
