Impaganetget ni Senador Panfilo “Ping” Lacson nga awan ti masolbar a problema iti inaramid ti majority bloc a saan a panagdar-ay iti session idi kalman.
Segun kenni Lacson, ti maibagbaga a takder ni Senate President Alan Peter Cayetano ken dagiti majority bloc senators iti panagwaywayas ti Senado ket saan a kayatna a sawen a nangatngatoda iti linteg.
Ti panangbaybay-a iti pagrebbengan ket saan a makarisut iti partisan gridlock wenno ti pannakabingay ti Senado.
Innayon pay ti senador nga iti panaglangan dagiti majority senators ket panang-hostage iti trabaho ti lehislatura.
Patien ti mammanday-linteg nga iti pannakatiliw ni Senador Jinggoy Estrada ket maysa nga addang nga agturong iti panangipaay ti hustisia, iti agpada a biang ni Estrada wenno dagiti rinibu a biktima ti layus.
Kabayatanna, tarigagay ni Lacson para iti panagkasangayna idi kalman, a maisubli ti integridad, dignidad ken reputasion ti Senado, ngem kangrunaan iti amin ket iti maisubli iti panagtalek ken kumpiyansa ti publiko iti institusion.###
