Pinaglibakan ti social media personality a ni Sachzna Laparan a ginatangna iti diploma daytoy isu a nakaturpos iti kolehiyo.
Saan a naliklikan nga adda dagiti sumagmamano a nangkuestion daytoy kalpasan nga agpost isuna a nagturpos idiay Philippine Christian University iti kurso a Bachelor of Science in Office Administration.
Sungbat ni Sachzna, saan a nalaka ti nagdalananna gapu ta pinagsabayna iti panagsango iti camera ken panagadal tapno magun-od iti napateg nga arapaapna a makaleppas iti kolehiyo.
Innayon na pay a napilitan isuna nga agsardeng idi gapu iti kinarigat ti biag ken isuna pay ti breadwinner ti pamilyada.
Iti agdama, planona nga ipursige iti master’s degree, ken impanakkel nga isuna iti umuna a miembro ti pamilya a nakaturpos iti kolehiyo.###
