LA UNION – Arestado iti maysa a sales consultant ken maysa a construction worker iti nagduma a lugar ditoy La Union, a nakaisayangkatan ti anti-illegal drug buy bust operation dagiti otoridad.
Maysa nga operasyon a nagbinnuligan iti San Fernando City Police ken PDEA Region One ken dadduma a unit ti pulisiya ket naipatungpal iti Barangay Pagdalagan Norte, San Fernando City, La Union.
Naka-arestaran daytoy iti managan Melvin Tapere, newly identified drug personality, 32, baro, agpapaay kas sales consultant, residente ti Pagdalagan Sur, Bauang, La Union.
Nakumpiskar kenkuana iti maysa a heat sealed plastic sachet iti maipagarop a shabu (sold) ken dua pay a heat sealed plastic sachet (recovered) agraman iti P500 bill a nagserbi kas buy bust money.
Kabayatanna, arestado iti kapada met laeng nga operasyon dagiti otoridad idiay Barangay Namboongan, Sto. Tomas, La Union iti maysa a construction worker gaputi gandat na a panagilako ti iligal a droga.
Nabigbig ti suspek iti nagan a Rafael Bustos, 28, baro, residente ti Barangay San Agustin East, Agoo, La Union.
Nakumpiskar kenkuana iti 2 a plastic sachet iti maipagarop a marijuana ken P200 bill a buy bust money.
Dagiti suspek ket agpada ita sumangsango iti kaso a panaglabsing iti R.A. 9165 wenno Comprehensive Dangerous Drugs Act of 2002.
