Inlawlawag ti negosyante ken TV personality a ni Sam Verzosa nga awan ti romantiko a relasyon na kadagiti aktres nga isuda Kyline Alcantara ken Faith Da Silva.
Segun kenni Verzosa, aggayyem da laeng kenni Kyline ken awan ti espesyal a relasion. Nagkiddaw met isuna ti despensa iti aktres mainaig dagiti isyu a timpuar iti social media.
Inlawlawag na met a nabayagen a gayyem na ni Faith Da Silva ken nagkita da laeng idi nabiit iti maysa nga event. Kenunana a naragsak isuna kadagiti balligi a nagun-od ti aktres.
Kabayatanna, nadakamat met iti maysa nga interview iti pagsina da ti aktres a ni Rhian Ramos, banag a napasingkedan idi Marso.
Innayon ni Verzosa a no maaddaan man isuna ti baro a relasyon iti masangwanan, situtulok met daytoy a maamwan ti publiko.###
