LA UNION – Nainget nga ipatpatungpal iti baro a dutok a chief-of-police ditoy syudad ti San Fernando a ni Police Major Benjie Daireu Umalla, iti inyuswat a programa ni PNP Chief Gen. Guillermo Eleazar, nga “Intensified Cleanliness Policy” (ICP) nga addaan ti tarigagay nga i-korehir dagiti minor ken small problems a kunana iti serbisyo.
Iti baro a liderato ita ni Major Umalla iti San Fernando City Police Station, siniguro na a maipatpatungpalen iti nasao a programa, partikular iti nadalus nga opisina wenno pagtrabahuan, mapa-uneg man wenno ruar iti istasyon ti pulisiya.
Uray ni Umalla ket mamati a ti nadalus nga opisina wenno pagtrabahuan ket repleksiyon kadagiti otoridad, tapno agtalek ken magun-od iti respeto kadagiti umili.
Naipanawen pay kunana iti tarigagay ti PNP Chief a panagdal-dalus tapno masalakniban iti salun-at kontra iti COVID 19 ken dadduma pay a virus a mangted iti sakit.
