LA UNION – Nagsubli a COVID-free iti syudad ti San Fernando, La Union kalpasan a nag-negatibo iti nasao a sakit iti maikadwa a confirmed case, maysa a 66-anyos a babae ti Barangay Lingsat.
Base iti official statement manipud iti Office of the Mayor, iti maikadwa a COVID-19 recovery ket na-admit idiay Lorma Hospital idi March 29, 2020 ken nakumpirma a positibo idi Abril uno.
Idi Abril 9, negatibo iti resulta ti umuna a test na bayat nga idi Abril 10, rimuar a negatibo iti maikadwa a test daytoy.
Na-discharge iti nasao nga ospital idi kalman.
Ngem kas annuruten iti pananglaban iti COVID-19, mangrugi ita nga aldaw a maipasidong isuna iti strict14-day home quarantine.
Maipalagip nga idi Abril 12, nailista iti umuna a COVID recovery ditoy syudad, maysa a 44-anyos a lalaki manipud Barangay Sevilla.
Maragsakan ni Mayor Alf Ortega iti nasao a development, malaksid laeng a 12 nga aldawen nga awan ti nainayon iti listaan dagiti confirmed cases.
Iti agdama, 117 dagiti suspect cases bayat a 35 dagiti probable cases.
