BR LA UNION – Maibasar iti earthquake information ti PHIVOLCS, naaddaan ti magnitude 2.0 a gingined iti siyudad ti San Fernando, La Union.
Napasamak daytoy iti oras agarop alas 4:17 ita a bigat ti Biyernes, Abril 4.
Nadetermina ti episentro ti gingined iti kaadayu nga 48 km laud ti San Fernando City, La Union.
Aguneg ti 21 a kilometro ken tectonic in origin.
Awan ti report a perdisyon ken nasugatan iti nasao a panagdayyeg.
