LA UNION – Maipasidong iti syudad ti San Fernando, La Union iti General Community Quarantine (GCQ) , mangrugi inton Biyernes, July 9 agingga July 22, 2021.
Maiyannurot daytoy iti Executive Order No. 30 series of 2021 nga inaprubaran ken pinirmaan ni La Union Governor Francisco Emmanuel “Pacoy” Ortega III.
Iti GCQ with some restritions ket mas nair-irut a quarantine status kumpara iti agdama a Modified General Community Quarantine (MGCQ) iti intero a probinsiya ti La Union.
Iti nasao nga addang ket sungbat ti PGLU iti kiddaw ni San Fernando City Mayor Hermenegildo Gualberto nga ipasidong ti syudad iti GCQ manipud iti agdama nga MGCQ.
Adda pakainaigan na daytoy iti pannakairaman ti syudad kas high risk area iti COVID 19 iti intero a pagilian, kalpasan a nakita ti grupo dagiti eksperto nga OCTA a ngimmato iti COVID infections ditoy San Fernando City .
Maipalagip a sipud idi June 30, 2021 nakailista iti probinsiya ti 880 active cases, 7.84% average daily attack rate ken 80.14% 2-week growth rate.
Manipud iti bilang dagiti aktibo a kaso, 32% ditoy ket manipud syudad ti San Fernando.
