Intantan ni San Fernando City Mayor Herminegildo Dong Gualberto ti implimentasyon ti Tricycle Route Plan ita a bulan.
Immuna ditoy, nagpaawag ni Mayor Gualberto ti meeting kaduda DILG CLGOO Lily Ann O. Colisao, PLTCOL Alejandro C Pagar, Chief of Police, ken Col. Virgilio C. Pascua, OPS Head maipapan iti implementasyon kuma ti Tricycle Route Plan ita a bulan kas panangsurot iti DILG Memorandum Circular 2020-036.
Tinurong na dagiti TODA operators ken drivers tapno dinggen dagiti isyu ken suhestyon maipapan iti Tricycle Route Plan (TRP) idi aldaw ti Sabado, Setyembre 11, 2021.
Maipalagip, ti Tricycle Route Plan ti City of San Fernando ket naipasa idi Mayo 2021 iti bileg ti Resolution No. 21-267 wenno Resolution Adopting the Proposed Tricycle Route Plan of the City of San Fernando, La
Union ng Sangguniang Panlungsod.
Kalpasan a mangngegan dagiti isyu ken singasing manipud iti TODA members, imbilin ni Mayor Dong iti temporaryo a panangitantan ti implementasyon ti Tricycle Route Plan ken binilin dagiti miyembro ti Technical Working Group a mangbukel ti immuna a Tricycle Route Plan a mangisayangkat kadagiti kabaruan a panangiyurnos iti daytoy.
Dagiti pagbaliwan ti Tricycle Route Plan ket talantanen kadua ni Mayor Dong ken dagiti TODA operators ken drivers, ken maminsan manen a mangisayangkat iti mas nalawlawa a konsultasyon kadagiti stakeholders. Nagkari met ni Mayor Dong a maminsan manen daytoy nga iyuman iti City Council.
Immuna ditoy, pannakaiuman ti Bombo Radyo kadagiti drivers ken stakeholders ti TODA ditoy syudad ket inrakurakda a kuma ket saan nga matuloy ti Tricycle Route Plan agsipudta dakkel daytoy nga parigat kadakuada nangruna kadagiti pasahero dagitoy.
