Nakailista ita ti 4 a baro a kaso ti Covid 10 positive iti probinsya ti La Union.
Kabilang ditoy ti tallo a babae nga residente ti Purok 4 Barangay San Agustin, San Fernando City. Agpapada nga awan ti travel history ken exposurer kadagiti Covid 19 patient iti nasao a lugar.
Dagitoy ket agtawen ti 15, 27 ken 22 anyos ken agpapada a Asypmtomatic.
Agpapada dagitoy a naiturong City Isolation Facility. Agtaltalainaed a Total Lockdown ti Barangay San Agustin babaen iti Executive Order No. 88-20202 ken kas sagudayen iti Regional-Inter Agency Task Resolution No. 55. Amin a residente ditoy ket naipasidong iti swab testing.
Mainaeg daytoy, maysa met a 21 anyos a lalaki ti kabaruan a nailista a Covid 19 positive idiay ili ti Bacnotan a madama nga naka admit iti Balaoan District Hospital.
Kabayatan na, tallo met ti nailista a recoveries ti Covid 19 iti probinsya.
Dua manipud iti Barangay Pagdaraoan ken maysa iti Barangay Madayegdeg ditoy syudad.
Agtultuloy met ti nainget a contact tracing kadagiti nakapulapol dagiti pasyente tapno maliklikkan iti panagwaras ti makapatay s virus.
