LA UNION – Pinunas iti San Fernando City, La Union Veterinary Office iti panagdanag dagiti umili maipapan ti isyu ti African Swine Fever (ASF) ditoy pagilyan.
Kinuna ni Dr. Ernestine Estillore ti City Veterinary Office, awan iti sarday ti panangisayangkatda ti inspeksyon kadagiti live pigs a maparti iti slaughter house ken dagiti meat products a maiserserrek iti San Fernando Auxillary Market.
Daytoy ket uray no kalpasan iti pannakakompiskar kadagiti pork products a nailugan iti reffer van a naggapu idiay probinsya ti Pampanga nga addaan ti isyu iti ASF.
Impanamnama ni Dr. Estillore, nga addaan ti maiparbeng a dokumento dagiti baboy a maiserrek ti slaughter house.
Kabayatanna, agtaltalinaed a natalged dagiti mailaklako a pork products iti syudad isu nga awan ti pagdanagan dagiti aggatang gapu ta saan nga apektado dagitoy iti ASF.
