Nainget ti ipatpatungpal a monitoring ti San Juan Police Station kadagiti duapulo ket dua (22) a pampubliko ken pribado a pagadalan ti nasao nga ili tapno masigurado iti seguridad dagiti agad-adal, manursuro ken dadduma pay nga school personnels.
Iti exclusive interview kenni PMAJ Reynante Organista, Hepe ti San Juan Police Station, inbatadna a saan da nga kabaelan nga is-isuda laeng isu’t gapuna a kabbinuligda iti panagbantay kadagiti pagadalan ken panangisayangkat iti simulation exercise, iti Municipal Disaster Risk Reduction and Management Office (MDRRMO)-San Juan ken iti Philippine Army a nakabase ti nasao nga ili.
Innayon na pay a napateg ti tulong dagiti barangay official, nagannak ken komunidad iti panangpatalinaed ti urnos ken talna iti aglawlaw.
Al-allokoyen pay ti opisyal dagiti estudyante ken nagannak a liklikan ti agiwaras iti saan nga umiso nga impormayson online, a mabalin a mangitunda iti pannakatikaw wenno disgrasya ken ugalien nga iverify iti impormasyon kadagiti lehitimo a media outlet wenno kadagiti otoridad.
