Pinasingkedan ti Sandiganbayan iti graft conviction kenni sigud a Department of Agriculture (DA) regional budget officer Lourdes V. Gonzales gaputi irregular procurement wenno iligal a panaggatang ti abono ken bukel idi 2004.
Da Gonzales ken sigud a DA administrative officer Francisco C. Casil ken kumbiktado iti graft ket napatawan da ti innem agingga 10 tawen a pannakaibalud.
Malaksid dayta, napawilan da metten nga agiggem ti anyaman a posisyon wenno trabaho iti sadinuman nga opisina ti gobyerno.
Nabilin da pay nga agbayad da ti P3.4 million iti DA regional field office 1.
Ti nasao a kantidad ket imbayad da iti Farmate International Technologies, Inc. (FITI) ken iti Central Luzon Farmers Agro Center para iti pananggatang ti liquid fertilizer a 2,166 bottles iti Farmate ken 584 bottles iti Luzon Farmers.
Inyapela ni Gonzales iti conviction kenkuana ngem imbasura daytoy ti Sandiganbayan gaputi kaawan ti merito.
Iti uppat a pinanid a resolusyon ti korte ket napetsaan ti July 7, 2023 ken insurat ni Associate Justice Karl B. Miranda with the concurrence of Sixth Division Chairperson Sarah Jane T. Fernandez ken Associate Justice Kevin Narce B. Vivero.
Iti kaso nga impila ti Office of the Ombudsman idi 2018, ket nagramot iti 2004 procurement iti liquid fertilizers – a 2,166 bottles manipud Farmate International Technologies Inc. ken 584 bottles manipud Central Luzon Farmers Agro Center idi 2004.
Kabayatanna, nawaswas iti dua pay a kaso a graft dagitoy gaputi pannakapaay ti prosecution a paneknekan a guilty dagiti maak-akusaran.
