LA UNION – Nupay nalpasen ti deadline iti payout ti social amelioration program (SAP) idi Domingo, adda pay laeng dagiti LGUs a nangitultuloy idi kalman, Lunes.
Iti Region One, maibasar iti kaudian a report iti SAP Implementation (Non-4Ps) alas 8:00 idi rabii (May 11, 2020) pakabuklan a 745,488 a pamilya wenno 93.96% a nakalista a benipisyaryo iti naipaayanen ti cash aid, manipud iti 125 LGUs.
Pakabuklan metten a P4,100,184, 000 (nasurok P4.1-Billion) ti naibunong a pondo ditoy Region 1.
Kinumpirma iti DSWD a maisubli ti pondo a saan a naibunong ken maipaayan iti show cause order ken pagpalawagen ti DILG dagiti municipalidad, syudad ken barangay a napaay a makalpas iti payout ti SAP.
Base iti nairuar a breakdown ti naibunong a SAP kadagiti probinsiya idiay :
Ilocos Norte – 90,103 (90.10%)
Ilocos Sur – 102,598 (97.57%)
La Union – 127,900 (83.76%)
Pangasinan – 424,887 (97.55%)
Kabayatanna, ditoy syudad ti San Fernando, pakabuklan a 21,850 a pamilya iti nabunongan ti cash aid manipud SAP (Social Amelioration Program).
Dagiti nasao a benipisyaryo manipud iti 59 a barangay ditoy siyudad ket maipagarop a dimmalan iti ebalwasyon ken proseso nga insayangkat ti DSWD, CSWD kadwa da dagiti barangay officials.
