Tallo a pagilian itan idiay Middle East iti tumultulong iti Pilipinas para iti panangpalubos kadagiti Filipino seafares a kinautibo dagiti Houthi rebels idiay Yemen.
Segun kenni Foreign Affairs Undersecretary Eduardo de Vega, partikular a nangipeksa iti tulong para ti Pilipinas dagiti pagilian a Saudi Arabia, Oman, ken Bahrain.
Kinuna ni De Vega a nalaklaka itan ti panangipamaysa ti Philippine Honorary Consulate idiay Sana-a, Yemen kadagiti kautibo a Pilipino a marino. Daitoy ket kalpasan nga iyakar dagiti Houthi idiay Sana-a dagiti kautibo a Pilipino idiay Hodeidah port.
Pinasingkedan dagiti kakabagian dagiti marino ditoy Pilipinas a dagiti impkita a rupa ti Houthi ket isu dagiti kakabagian da a tripulante ti MV Eternity C a niraut dagiti rebelde.
