Pinaglibakan ti maysa a senior staff member manipud iti opisina ni sigud nga House Speaker Martin Romualdez a nakabase idiay Tacloban iti agwarwaras a report a maipagarup a timmakas daytoy iti pagilian, ken inawaganna a “fake news” nga inimbento dagiti kalaban iti politika.
Segun kadagiti staff, agtaltalinaed ni Romualdez ditoy pagilian ken agtultuloy pagrebbenganna kas maysa a mammanday-linteg laksid ti saanna a panagparang iti publiko.
Rimmuar iti palawag kalpasan a nagwaras online iti alegasion nga aglemlemmeng wenno pimmanawen ti kongresista iti pagilian, kasaruno ti pannaka-freeze dagiti assets-na a mainaig iti maipagarup nga iregularidad kadagiti flood control projects.
Innayon ti opisyal a saan a pumanaw ni Romualdez ken agtultuloy a makaaw-awatda ti bilin bayat ti panangmonitor kadagiti isyu ti distrito.
Iti laksid ti four-day work week arrangement, adda dagiti naituding a personnel tunggal aldaw ti Biernes a mangsungbat kadagiti kasapulan ti publiko.
Iti agdama, nakapaisidong iti adda travel restriction ni Romualdez kalpasan nga imbilin ti Sandiganbayan iti kiddaw ti Office of the Ombudsman, ken napagkedkedan ti kiddawna nga agbiahe idiay Singapore para iti medical checkup.###
