Nakatuding a mangaramid ti pakasaritaan iti Filipino group nga SB19 gaputa isuda ti kaunaan a Pilipino nga agperform iti Lollapalooza 2026.
Nagwaras iti nasao a damag kalpasan nga inwaragawag dagiti organizers ti sikat a music festival dagiti lineup.
Maibasar iti nairuar a listaan ket makadua ti grupo da Charli XCX, Jennie Olivia Dean, ken dadduma pay.
Maangay ti music festival manipud Hulio 30 agingga Agosto 2.
Ti Lollapalooza iti kapautan a music festival idiay Estados Unidos sipud idi 1991 nga addaan ti walo nga stages nga aggigiddan nga agpabuya.
Naikeddeng a mangiruar iti grupo ti baro nga album a “Wakas at Simula” inton Marso 27 ken maigiddan met iti pannakairuar ti concert finale nga addaan ti kapada a titulo.###
