Naikeddeng a makipaset ti P-pop Kings nga SB19 iti Grammy Museum idiay Los Angeles inton Hulio 28 kas paset ti “Global Spin Live” series sakbay ti historiko a panagpabuyada iti Lollapalooza idiay Chicago.
Ti SB19 ti umuna nga homegrown Filipino act nga agpabuya iti nasao a music festival, a sadiay a ngumato da iti maysa kadagiti kadakkelan nga entablado ti nasao nga aktibidad inton Hulio 30.
Segun iti Grammy Museum, ti grupo ket maysa kadagiti influential music acts iti Southeast Asia ken mabigbigbig a kas pioneer ti moderno a P-pop.
Sakbay nga agbiaheda idiay Estados Unidos, indauluan ti SB19 iti OPMCON Generations inton Hulio 11, ken dua a lawas kalpasan ti Lollapalooza ket makikaduada met iti BINI iti Summer Sonic Festival idiay Japan.###
