Naaddaan ti live television appearance idiay Japan ti P-pop group nga SB19 ita nga aldaw, Agosto 13, maysa nga aldaw sakbay ti debut performance da iti Summer Sonic 2026 idiay Osaka.
Nagparang ti grupo iti Japanese morning show a “DayDay.” ti Nippon TV alas-10:25 itay bigat (oras idiay Japan), no sadino intampok da iti latest single a “Lawless”. Daytoy met iti umuna a pannakaperform ti nasao a kanta idiay Japan.
Inton bigat, Agosto 14, agperform ti grupo iti Summer Sonic idiay Osaka ken idiay Tokyo inton Agosto 15. Pinasingkedan ti Summer Sonic ken Sony Music Japan dagiti dua a festival appearances ti grupo.
Kabayatanna, nakatuding iti “I WaS THERE” Thanksgiving Fanmeet 2026 ti grupo idiay KT Zepp Yokohama inton Agosto 18.
Paset daytoy ti international schedule ti SB19 kalpasan dagiti aktibidad da idiay Estados Unidos, karaman iti nagbalin a panagpabuya da iti Lollapalooza.###
