Pinatibker ti Supreme Court (SC) iti desision a mangideklara nga awanan ti bileg iti maysa a kasar gapu ti psychological incapacity ti asawa a babae, nga iladladawan ti korte kas addaan ti domineering ken controlling a kababalin kontra iti mister-na.
Ti maysa a 14-panid a desision a nairuar idi Agosto 6, 2025, pinatibker ti SC Third Division dagiti immuna a desision ti Lower Court a nangideklara iti kinaawan-bileg ti kasar babaen ti Article 36 ti Family Code.
Napag-ammuan nga immunan a nangipila ti petision iti mister idi 2003, walo a tawen kalpasan iti kasarda idi 1995, ken impaganetget nga iti asawana ket addaan ti kababalin a “domineering, controlling, demanding, and had an excessive amount of entitlement.”
Segun pay iti mister daytoy nga impakita ti misis iti controlling behavior, poor study habits, ken entitlement sakbay pay a naikasarda. Kanayun met isuna a madamdamag no sadino ti pappapananna, maak-akusaran nga addaan ti saan a nasayaat a relasion iti inana, ken maipagarup a nakapadas pay ti pisikal ken berbal a panagabuso.
Idi agangay ket nadiagnose iti misis nga addaan ti “Narcissistic Personality Disorder with paranoid features,” a mailadladawan kas nakaro, saan a maagasan, ken nagpannuray sakbay pay iti kasarda.
Nainget a pinaglibakan ti misis dagiti pammabasol ken inakusaran met iti mister ti panagabuso kenkuana ken kadagiti annakda.
Agpada nga indeklara ti Regional Trial Court ken Court of Appeals iti pannakawaswas ti kasar, maibasar kadagiti psychological evaluations ken testimonya dagiti saksi.
Kenuna met ti SC a dagiti natakuatan ti Nababa a Korte ket suportado ti umdas ken kapatpati nga ebidensya, ken napaay iti asawa a babai a baliktaden iti konklusion ti psychological incapacity.
Innayon pay ti korte, uray ideklara ti misis a psychologically incapacitated, kas iti impaganetgetna ket agtalinaed nga awan ti bileg iti kasar babaen ti Article 36 ti Family Code.###
