LA UNION – Kalpasan a maideklara iti state of public health emergency ken panangingato iti code red sub level 1 ditoy pagilian gaputi COVID 19, kanselado metten iti civil service examinations a nakatuding inton Domingo, Marso 15.
Daytoy iti naawat nga impormasyon ti Bombo Radyo La Union manipud iti opisina ti CSC Region 1.
Ti nasao nga eksaminasyon ket para iti professional ken subprofessional.
Kas panagtungpal iti preventive measures kontra iti COVID 19 ket nagdesisyon iti liderato ti CSC a saan pay laeng nga ituloy ti eksaminasyon ken urayen iti sumaruno nga anunsiyo nu kaatnu a maisayangkat daytoy.
Ditoy rehiyon uno, nasurok nga 18,000 dagiti examinees.
Ngem iti pakabuklan ket 293,845 dagiti mangala koma iti eksaminasyon iti 66 a testing centers iti intero a pagilian.
