LA UNION – Arestado iti maysa nga school driver gaputi kaso a panaglabsing iti RA 7610 wenno child abuse.
Babaen iti bileg ti warrant of arrest, napetsaan ti Sept. 5, 2019 nga impaulog ni Judge Romeo Atillo Jr. ti RTC BR 31 idiay Agoo, La Union inarestar dagiti otoridad idi malem kalman idiay Poblacion, Aringay iti managan Elton John Yaranon, 34, residente ti Barangay San Benito Sur ti nasao met laeng nga ili.
Base iti nakalap nga impormasyon ti Bombo Radyo, iti reklamo maikontra iti suspek ket indatag iti bukod na a misis, gapu iti maipagarop a panang-baut na iti anak daytoy.
Ni Yaranon ket agtaltalinaed iti custodiya ti Aringay Police ken napatawan ti aganay P80-k bailbond para iti temporaryo a pannakawaya-waya daytoy.
