LA UNION – Iti delegasyon a pakaibilangan dagiti surfer/athletes manipud pagilian a Myanmar iti kaunaan a simmangpet ditoy probinsiya ti La Union para iti maisayangkat a surfing competition kas paset ti 30th Southeast Asian Games.
Daytoy iti kinumpirma ti Provincial Disaster Risk Reduction and Management Office (PDRRMO) La Union babaen kenni Mr. Alvin Cruz.
Segun kenni Cruz a simmangpet idi kalman iti Myanmar delegates ket dagus nga inimbitaran ti provincial board kas panang-welcome kadagitoy.
Iti agdama, agtaltalinaed dagiti atleta iti maysa a resort hotel idiay ili ti San Juan, a nabirngasan a ‘Surfing Capital of the North.’
Segun kenni Cruz manamnama nga agsangpet dagiti dadduma pay a delegado dagiti pagilian a makipaset iti nasao a biennial multi-sport event, iti sumaruno a lawas, manipud November 25-29, 2019.
Iti met pormal a panagrugi ti surfing competition ket mangrugi inton Dec. 2 agingga 8 ti agdama a tawen.
Iti Southeast Asian Games wenno SEA Games nga idaulwan ita ti Pilipinas ket partisiparan iti 11 member countries iti intero a Southeast Asia.
