Agtultuloy ti nainget a panagpatrolya ti Philippine Coast Guard, San Juan Sub Station ken iti San Juan Police Station iti kabaybayan a masakupan da gapu pay laeng ti nadawel a sitwasyon ti kabaybayan.
Ti san juan ket adda ti lima a coastal barangays iti barangay urbiztondo,panicsican,ili sur,ili norte ken taboc.
Dagiti nadakamat a barbarangay ket isu ti kangrunaan nga turturungen dagiti turista mapa local man wenno ganganaet.
Bayat ti panagpatrolya pay ti kameng ti coast guard ken pnp, naisalakan pay ti maysa a sea turtle a naispal ti maysa a manglap a risidente ti Barangay Ili Sur, Iti kapada met laeng nga aldaw a pinalubusan ti sea turtle a pinanaganan ti aurora babaen ti panangidaulo ti CURMA,LGU San Juan,PNP ken PCG.
Agtultuloy met ti ballaag dagiti awtoridad a maiparit pay laeng ti tumapog ti kabaybayan gapu ti nadawel a sitwasyon kasta metten tapnu maliklikan ti anya man a posible a mapasamak kangrunaan ti pannakalmes.
