LA UNION – Kinumpirma iti lokal a gobyerno ti Bacnotan, La Union a negatibo itan iti coronavirus iti 43-anyos a seaman, nga immuna a naipadamag a kaunaan a kaso ti COVID 19 iti nasao nga ili.
Base daytoy iti naudi a resulta ti RT-PCR test ti nasao a seaman a naisayangkat itay nabiit.
Karaman pay a nag-negatibo iti swab test dagiti nakapolapol ti pasyente wenno direct contacts daytoy, kas iti pamilya na, kaarruba, gagayyem ken LGU staff.
Iti agdama, addan iti natalged a kondisyon iti pasyente bayat nga agtultuloy a matamtaming iti ospital.
Ngem tapno masiguro a naan-anayen a natalged manipud iti nasao a virus, maminsan pay a maipasidong iti seaman iti RT-PCR test kas paset pay laeng iti safety protocol.
