LA UNION – Kinumpirma iti Bombo Radyo La Union ni Dr. Teofilo Dumaguing, Municipal Health Officer idiay Naguilian, La Union a negatibo iti swab test iti seaman, nga immunan a naipadamag a nag-positbo ti COVID-19.
Base iti palawag ni Dr. Dumaguing, iti nasao a swab test ti seaman idi June 15 ket negatibo iti rimwar a resulta na idi June 17.
Napintas pay nga impadamag ti doctor ket negatibo met laeng iti swab test dagiti nakapolapol ti nadakamat a seaman.
Mangnamnama ti health officer a negatibo met laeng ti maikadua a swab test daytoy tapno naananay a makarwaren iti isolation facility.
Segun kenni Dr. Dumaguing, manamnama nga ita nga aldaw, June 19 a maiganwat iti maudi a swab test iti covid 19 patient idiay Naguilian.
Innayon na pay nga agtaltalinaed a natalged iti kasasaad ken awan ti marikrikna a saan a nasayaat ti nasao a pasyente.
Kabayatanna, iti latest update ti COVID 19 iti intero nga ilocos region.
104 itan ti nailista a covid 19 cases ditoy region 1 ken adda metten ti 69 recoveries bayat a 12 dagiti pimmusay gaputi nasao a sakit.
Iti region 1, nakailista iti 2 a kabarbaro a kaso idi kalman, June 18. Dagitoy ket naggapu iti probinsiya iti ilocos norte ken ilocos sur.
Adda pay laeng iti 23 nga active covid 19 cases ditoy ilocos region.
