Agtultuloy iti search-and-rescue operations dagiti otoridad ti Indonesia kadagiti 80 nga indibidual a mapukpukaw kalpasan a nagreggaay iti daga ti maysa a residential area idiay West Java a nakatayan ti 10 a tattao.
Napasamak iti landslide idi Sabado kalpasan iti napipigsa a panagtudo, ken segun ti weather agency ket namnamaen nga agtultuloy daytoy iti maka-dominggo.
Nagbalin a karit para kadagiti rescuers iti nalutneng a daga ken ti panagtultuloy ti panagtudo, isu a saan da a mausar dagiti heavy equipments.
Iti insidente ket napasamak dua a bulan kalpasan iti nakaro a panaglayus ken landslide idiay Sumatra a nakatayan dagiti nasurok-kumurang 1,200 a tattao ken rason ti panagbakwit ti minilyon a residente.###
