LA UNION – Inton bigaten iti rabii a maangay ti The Search for Bombo Singing Idol 2018 kas handog ken pasasalamat ti Bombo Radyo La Union kagiddan iti panagrambak ti maika-20 a founding anniversary iti syudad ti San Fernando, La Union.
Nakasagana metten dagiti 12 finalist para ti Kabataan category ken iti lima a finalist para ti Adult category iti nasao a pasalip ti panagkanta.
Sumagmamano nga aldaw sakbay ti event ket nag-radio guesting pay idiay istasyon Bombo Radyo dagiti finalist ken imbinglayda iti kapadasanda iti entablado wenno kadagiti okasyon.
Nangipangngeg met kadagiti listeners babaen ti panagkanta iti ere dagiti nakipaset ti singing contest.
Mangrugi iti alas-7:00 ti rabii inton bigat idiay San Fernando City Plaza ti Bombo Singing Idol.
