Naipasidong manen iti witness stand ni Securities and Exchange Commission (SEC) Director Gerardo del Rosario para iti cross-examination ti defense team ni Bise Presidente Sara Duterte sadiay Senado.
Ti maikadua a testigo ti House prosecution panel a ni Del Rosario ket naipasango tapno mangipaay iti testimonya mainaig ti mapapati a kaawan ti probisyon para ti pakabuklan a divestment kadagiti negosyo ken interes.
Sinango isuna iti cross-examination ni Atty. Justin Nicol Gular manipud depensa.
Inusar ti prosekusyon dagiti testimonya na ken dokumento manipud SEC tapno suportaran dagiti alegasyon iti impeachment complaint maipanggep kadagiti saan a mailawlawag a kinabaknang iti bise presidente, kasta met iti posible a panaglabsing ti Konstitusyon.
Iti witness stand ket dinamag dagiti abogado ni VP Duterte ti masakopan ken kredibilidad dagiti reports ken sertipikasyon nga impresentar ni Del Rosario.
Paset paylaeng iti saritaan kadagiti Articles of Impeachment a bisbistaen iti Senate impeachment court iti agtultuloy a panagusig iti Bise Presidente.
