LA UNION – Tinakderan ni Presidential Adviser for Poverty Alleviation Secretary Larry Gadon a dagiti nagbalin a waragawag ni Vice President Sara Duterte ket umdas a basaran para iti disbarment.
Maipalagip a nangidatag ti disbarment case ni Gadon kontra kenni VP Sara gapu iti inaramid na a panangipangta kada PBBM, First Lady Liza Araneta-Marcos ken House Speaker Martin Romualdez.
Iti nasao a kaso, kiniddaw ni Gadon iti Supreme Court (SC) a mangisayangkat ti ‘moto proprio’ disbarment proceeding kontra kenni Duterte.
Takderan ni Gadon a numan saan pay a napasamak wenno naipatungpal ti nasao a pangta, saan a mailibak a nakabukel ti plano tapno patayen dagiti tallo a nadakamat a personalidad.
Pammaneknek ditoy kunana iti imbaga ni VP Sara a saan a ‘joke’ wenno angaw iti inebbatanna a sarita.
Maipalagip nga iti inaramid a surat ni Gadon para iti Korte Suprema,imbaga na a dagiti waragawag ti bise president ket ‘illegal, immoral’ ken nasken a kondinaren.
Maipalagip a na-disbar ni Sec. Gadon gapu iti panagsao na ti dakes iti sango ti media idi Jujne 28, 2023.
Kar-kariten ita ti sekretaryo iti Korte Suprema nga agbalin a patas ken naingkalintegan iti biang ti bise presidente.
