LA UNION – Pinalagipan ti Securities and Exchange Commission (SEC) dagiti lending institution a masapul nga agtungpalda iti panangipaay ti 30 days grace period kadagiti pinautanganda kabayatan iti pannakapipasidong ti lugar iti enhance community quarantine.
Kinuna ni SEC Information Officer III Helen Valdez, ti nasao a grace period ket sagudayen iti Bayanihan Heal as One Act a masapul a saan a masingir iti uneg ti makabulan ti nakautang iti institusyon kabayatan ti ECQ.
Sigun kenni Valdez, saan met a mabalin a mangipataw iti maysa a kompanya iti penalty kabayatan ti ECQ kadagiti nakautang.
Kabayatanna, inlawlawag met ti opisyal a saan a sakupen ti nasao a panagannurutan nga ipatpatungpal iti SEC kadagiti lugar nga adda iti sidong ti GCQ.
